Lite Forex брокер дээр ажиллах зааварчилгаа (цуврал 3)

За бид дансныхаа асуудлыг нэгэнт шийдвэрлэсэн тул одоо дансандаа мөнгөө оруулахыг сурах хэрэгтэй. Та өөрийн сайтаар нэвтрэн орсны дараа сайтын хамгийн дээд хэсэгт байгаа үндсэн цэсэн дотроос Deposit гэсэн цэсийг даран ороход дараах зураг дээрхи хуудас гарч ирнэ.

Арилжааны дансандаа мөнгө байршуулахад эдгээр мөнгөн гүйлгээний системүүдийг алийг нь ч ашиглах боломжтой юм. Эдгээр дотроос бид сонголт хийх хэрэгтэй бөгөөд мэдээж бидэнд хамгийн боломжтой нь виза картаар төлбөр хийх систем нь тохирч байна. Иймд бид юуны түрүүнд энэ системийг сонгох нь гарцаагүй. Гэсэн хэдий ч энэ системийг сонгоод мөнгөө оруулах мөчид таныг Moneybookers системд бүртгэлтэй байхыг шаарддаг. Та  Moneybookers мөнгөн гүйлгээний системийг ашигладаг бол энэ асуудал байхгүй. Харин ашигладаггүй бол уг системд бүртгүүлэн картаа холбож ашиглаж эхлэх шаардлага үүснэ. Энэ талаар манай заавар зөвлөмжийн бичлэгт өмнө нь бичсэн заавар байгаа.

Цуврал № 1. Арилжаанд оролцох талаархи зөвлөмж:

Цуврал № 2. Арилжаанд оролцох талаархи зөвлөмж: (Үргэлжлэл)

Энэ 2 гарчгийг дэлгэрэнгүй уншиж судлаарай. 

За одоо данс цэнэглэхэд саадгүй болсон гэж үзээд цааш үргэлжлүүлье. Бид виза картаар төлбөрөө хийх гэсэн сонголтыг сонгоход дараах хуудас гарч ирнэ.

Энэ хуудас дээр та хэрэв уртаашаа нэг данстай бол шууд зураг дээр харуулснаар үргэлжлүүлэх товчийг дарна. Харин та хэд хэдэн данстай бол аль дансандаа мөнгө оруулах гэж байгаагаа сонгох хэрэгтэй бөгөөд ингэхийн тулд Select Account гэсэн нүдний арын сонгох товчийг дарж дотроос нь хэрэгцээт дансаа сонгон оруулна. Ингээд цааш үргэлжлүүлээрэй.

Дараагийн хуудсанд нь та цэнэглэх мөнгөн дүнгээ Deposit Amount гэсэн нүдэнд тоогоор оруулан хийнэ. Үүний дараа NEXT үргэлжлүүлэх товчийг дараарай.

Дараагийн хуудас дээр таны оруулж байгаа мөнгөнд тохирох шимтгэл хэд болох түүнийг нэмээд таны данснаас хэд хасагдах болохыг харуулсан байна. Хэрэв таны мөнгө шимтгэл төлөөд хасагдах хэмжээ нь санаанд чинь таалагдахгүй бол BACK хийж буцаад шинээр мөнгөн дүнгээ засан оруулж болно. Харин зөвшөөрч байвал та зурагт үзүүлснээр Confirm гэсэн товчийг даран үргэлжүүлээрэй.

Ингээд бидний мөнгөн шилжүүлгийн системийн хуудас гарч ирж байна. Та бид бүгдээрээ MoneyBookers интэрнэт данстай учир одоо шууд интэрнэт дансныхаа нэвтрэх паспортаа бөглөн нэвтэрцгээе.

Одоо таны данснаас хасах мөнгийг интэрнэт данснаас чинь хасах уу?, эсвэл виза картнаас хасах уу гэдгийг асуусан хуудас гарч ирж байна. Мэдээж бид виза картнаас шууд татаж оруулах гэсэн зорилготой байгаа болохоор хамгийн дээр зурагт улаан дугуйгаар дугуйлсан хэсгийг идэвхижүүлнэ. Харин интэрнэт данснаасаа мөнгөө гаргах бол та хамгийн доод талынхыг идэвхижүүлэх ёстой.

Харин энэ удаа бид виза картнаас зардал гаргахаар идэвхижүүлсэн учир түүний доор нэмэлт цонх бий болж бид өөрийн виза картын баталгаажуулах дугаар буюу картын арын 3 оронтой тоог оруулах хэрэгтэй болж байна. Үүнийг бөглөж оруулсны дараа CONFIRM товчийг дарж гүйлгээг эцэслэн дуусгавар болгоно.

Ингээд таны хийсэн гүйлгээний гүйцэтгэлийн талаархи мэдээлэл бүхий хуудас гарч ирж байна. Дээрх зурагт үзүүлснээр дөрвөлжилж дугуйлсан хэсэг дотор гүйлгээний мэдээлэл бичигдсэн байгааг харж болно. Үзсэн бол цааш үргэлжлүүлцгээе. Одоохон 1 алхмын дараа дууслаа.

Ингээд таны дансанд мөнгө чинь орсон мэдээллийг дансны чинь хуулгаар үзүүлнэ. Одоо бид арилжааны программ буюу платформ дээрээ бодит мөнгөөрөө арилжаанд оролцох үлдлээ. Та хэрэв арилжааны программаа татаж аваагүй байгаа бол сайтын хамгийн доод хэсэгт байгаа зураг дээр улаан сумаар зааж үзүүлсэн товчийг даран орж платформоо татаж аваарай. Харин арилжааны платформоо хэдийн татаж аваад ашиглаж байгаа хүмүүс одоо сайт дах өөрийн данснаас гарах команд өгөн гарах хэрэгтэй. Тодруулж хэлбэл зураг дээр ногоон сумаар заасан товч буюу Logout дээр даран гарна.

За ингээд энэ удаагийн зааварчилгаа үүгээр өндөрлөж байна. Дараагийн удаа бид платформ хэрхэн татаж авах, хэдэн төрлийнх байдаг, юу юунд ашигладаг зэргийг заах бөгөөд, дээр нь арилжааны данснаасаа ашиг татах зааварчилгааг хүргэх болно.

AVAFX брокер байгууллагад хэрхэн ажиллах зөвлөмж /цуврал №2/

AvaTrader платформ дээр арилжаа хийх зааварчилгаа

Таны бүртгэл идэвхижсэний дараа та хэрэглэгчийн нэр болон нууц үгээ ашиглан Ava-гийн сайт руу нэвтрэн ороод AvaTrader буюу арилжааны платформыг татаж авч компьютертээ суулгах хэрэгтэй.

Эсвэл эндээс AvaTrader платформыг татаад авч болно

Суулгасныхаа дараа буюу хэрэв суулгасан байгаа бол AvaTrader-ийг ажиллуулахад user name болон нууц үг асууна. Энд та түрүүнд бүртгүүлсэн хэрэглэгчийн нэр болон нууц үгээ ашиглан орно.   

Харин Account type гэсэн дээр нь хэрвээ та жинхэнэ данс нээсэн бол Real, дадлагын данс нээсэн бол Demo гэсэн сонголтыг тааруулаарай.

 Энд дарж AvaTrader-ын интерфэйсийг харна уу!
 
 Эндээс хамгийн чухал хэрэглэгдэх зүйлсийг эхлээд тайлбарлая.
 

 Таны дансны дугаар 
 

Таны дансан дахь нийт мөнгөний хэмжээ

 

Тухайн мөч дэхь таны нийт мөнгөний хэмжээ.

  
          Дээрхээс ялгаатай нь гэвэл тухайн үеийн нээлттэй арилжааны ашиг алдагдлаас хамааран энэ нь байнга өөрчлөгдөж байдаг. Алдагдалд орж байгаа бол хасагдаж харагдана. Ашигтай байгаа бол тухайн үеийн ашгийн хэмжээ нэмэгдэж харагдана. 
 

Тухайн үед дэхь нээлттэй арилжаанд таны оруулсан хөрөнгө оруулалтын хэмжээ. Энд арилжааны захиалга өгөөгүй байгаа учраас 0.00 гэж харагдаж байна.

Тухайн үед арилжаанд таны оруулах боломжтой хөрөнгө оруулалтын хэмжээ. Энд байгаа хэмжээгээр та хөрөнгө оруулах боломжтой байна гэсэн үг.

Тухайн мөч дахь таны ашиг болон алдагдлын хэмжээ энд гарна. Хасах тэмдэгтэй байвал та алдагдалтай явж байна, харин эерэг тоо байвал тэр таны цэвэр ашиг.

  
 
 

Энэ нь хамгийн чухал цонх бөгөөд энэ график нь бирж дээрх тухайн үеийн үнэ ханшны хэлбэлзлийг харуулна. Зүүн дээд талын нүдэнд энэ график Евро болон Ам.долларын харьцуулсан ханшны хэлбэлзлийг харуулж байгааг илэрхийлж байна. Хажуу талынх нь сумыг дарж өөр валютын хослол болон үнэт метал, түүхий нефтийн ханшны графикийг сонгож болно. Мөн цагийн алхамыг хажуу талынх нь нүднээс тохируулж болно.

Энэ цонхыг та булангаас нь сунгаад томруулж харвал арай эвтэйхэн харагдах байх.

 
 

Доод талын бүлэг цонхнууд мөн чухал мэдээллүүдийг харуулна. Хамгийн чухал гэснүүдийг тайлбарлая.

Open Positions:

 
 

Энэ нь тухайн үеийн таны нээлттэй арилжааны явцыг харуулна.

Ticket – Захиалгын дугаар (нээх чухал биш)

Instrument – Юуны арилжаа хийгдэж байгааг харуулна. Энэ жишээн дээр түүхий нефтийн арилжаа хийгдэж байна.

Amount – Арилжаанд оруулсан хөрөнгийн хэмжээ

B/S – Buy/Sell гэсэн үгийн товчлол. Аль чиглэлд захиалга өгснийг харуулна. Үнэ өснө гэж үзээд Buy захиалга өгсөн бол B үсэг гарна. Эсрэг тохиолдолд S.

Open – Захиалга нээх үеийн ханш

Close – Яг одооны ханш

Limit – Хэдий хэмжээний ашиг орж ирэнгүүт арилжааг хааж ашгаа авах вэ гэдгийг энд тааруулна. Энэ нүдэн дээр дарахад дээрхтэй яг адилхан цонх гарч ирнэ.

Net P/L – Хэдий хэмжээний ашигтай, эсвэл алдагдалтай явааг харуулна.

Time – Тухайн арилжааг нээсэн огноо болон цаг минут

Stop – Арилжаа алдагдалд орж, ханш хэд хүрэхэд нэмж алдагдалд орохгүйн тулд захиалгыг автоматаар хаахыг энэ нүдэнд тааруулна. Дээр нь дарахад дараах цонх гарна.

Rate – Ханш хэд хүрэхэд арилжааг хаахыг энд тааруулна.

Distance in pips – Зогсоох ханш хүртэлх зайг Pip гэсэн нэгжээр тааруулна. 1Pip нь 0.0001 болон, зарим тохиолдолд буюу Японы Иен, түүхий нефт гэх мэт дээр 0.01 гэсэн мөнгөний нэгжтэй тэнцүү.

Projected PL – Хэдий хэмжээний алдагдал хүлээх үед хаах вэ гэдгийг алдагдлын хэмжээгээр тааруулж болно. Энэ зурган дээр, энэ арилжаанд алдагдлын хэмжээ 30$ хүрэхэд арилжааг хаана гэж тааруулсан байна. Ингэснээр байдал гэнэт эвгүй болбол их хэмжээний мөнгө алдах эрсдэлээс урьдчилан сэргийлж чадах юм.

Closed positions:

Энд хаагдсан арилжаануудын тухай мэдээлэл хадгалагдана.

 
 

Энд эхлээд түүхий нефтийн ханш 45.19$ байхад Sell захиалга өгөөд 45.14 болоход 10$-ын ашиг авсан ба хамгийн сүүлд 42.12 байхад Sell захиалга өгөөд 41.00 болоход 2240$-ын ашиг авч XII/18-XII/19 хооронд буюу 2 хоногт нийтдээ 2700$-ашиг олсныг харуулж байна.

За бусад нь гэвэл нэрнээсээ харахад ойлгомжтойдоо.
 
 

Хэрхэн арилжааны захиалга өгөх болон хаах вэ?

Арилжааны захиалга өгөх хамгийн энгийн арга нь доорх зурагт үзүүлсний дагуу график дээрээ баруун товчоо дараад Buy, Sell 2-ын аль нэгийг нь сонгоно.
 
 

Энэ тохиолдолд ханш доошоо буух магадлалтай гэж үзвэл Sell-ийг сонгоно. Хэрвээ дээшээ өснө гэж үзвэл Buy-ыг сонгоно. Тэгэхэд дараах цонх нээгдэнэ.


 
 

(Зураг дээрх ягаан зураас өргөн байгааг анзаарч байна уу? Энэ нь брокерийн компаний авах зарах ханшны зөрүү нь юм. Зураасны доод үнээр диллерүүдээс авч дээд талынх нь үнээр зардаг. Эндээс л тэд ашиг олдог)

Энэ тохиолдолд Sell гэж сонгосон байна. Amount гэсэн нүдэнд хэдий хэмжээний хөрөнгө оруулалт хийхээ зааж өгнө. Захиалгын хэмжээ нийт хөрөнгийн 30%-с хэтрэхгүй байх ёстой. Гэхдээ энэ нь бас дандаа 30%-р нь өгөөд байж болно гэсэн үг биш шүү. AvaFX-д LEVERAGE буюу зээлжих эрх нь 1:200 байдаг ба таны өгсөн захиалгын зардлыг 200 дахин бууруулсан дүнгээр гүйцэтгэгдэнэ. Алдагдал таны дансан дахь хөрөнгөний хэмжээтэй зэрэгцэж ирэх үед брокер таны арилжааг хүчээр хаах тул та хэзээ ч өрөнд орох асуудал байхгүй.
 
 Арилжааг хаах

Ашгаа авах, эсвэл алдагдалаа зогсоохын тулд арилжааг хаах хэрэгтэй. Үүний тул та Open positions хүснэгт дээр, хаах гэж буй арилжааны мэдээллийг харуулж байгаа мөрөн дээр баруун товчоо дараад Close Position гэсэн дээр дарна. Тэгэхэд энэ захиалгыг хаах уу? гэж лавлаж асуусан цонх гарах ба тэнд OK гэж дарна.

From: Online Business Club